La Premio “Esperanto kaj Arto”, organizata de Esperanto NSW, estos donata al artisto, kiu kreeme uzas la internacian lingvon Esperanto kiel inspiron aŭ elementon en sia artaĵo. La konkurso celas instigi artistojn esplori la kulturajn valorojn de Esperanto – internacian amikecon, interkulturan dialogon kaj respekton inter popoloj – per sia arto. Speciala atento estos donata al artaĵoj, kiuj: integras esperantajn vortojn, frazojn aŭ simbolojn en artan koncepton reflektas la idealojn de internacia komunikado kaj kunlaboro montras originalan kaj kreeman interpreton de la Esperanta temo. La organizantoj deziras honori la spiriton de la lingvo kreita de L. L. Zamenhof, kaj samtempe […]
Category Archives: diskonigo
Esperanto en 7NEWS Digital
Merkredon, la 15an de aprilo 2026, Tim McLachlan de 7NEWS Digital venis al Esperanto-Domo por krei mallongan filmeton pri Esperanto kaj Esperanto NSW. Jen la rezulto: Ĝi ankaŭ spekteblas ĉe Facebook kaj Instagram.
Esperanto en ABC Radio National
La 24an de septembro, Jonathan Cooper (nia prezidanto) estis intervjuita pri Esperanto por epizodo de Late Night Live (ABC Radio National) kun David Marr, kaj la intervjuo estis elsendita la 13an de oktobro. Ĝi estas aŭskultebla interrete. Interese, kelkaj partoj, kiuj ne atingis la elsenditan version, estis inkluzivitaj interrete (iel kiel “la reĝisora versio”). Sube estas transskribo de la intervjuo, tradukita en Esperanton: David Marr: La ideo estis, se ni povus interparoli, se ni havus komunan lingvon, la miskomprenoj, kiuj turmentas la mondon, malaperus, paco eble eblus ĉirkaŭ la mondo. Do, Esperanto estis inventita en la 1880aj jaroj, kaj dum […]
Nova broŝuro: Esperanto, the language for world citizens
Esperanto NSW ĵus presis tri-faldan DL-broŝuron: Esperanto, the language for world citizens. Limigitaj nombroj da ekzempleroj estas haveblaj por tiuj, kiuj volas doni ilin al scivolemaj amikoj kaj familianoj. Vi ankaŭ povas elŝuti ĝin kiel PDF (600 KB). Bonvolu rimarki: Se vi havas presilon, kiu aŭtomate presas duflanke, vi eble devos inversigi la duan paĝon en PDF-programo antaŭ presado. Se iuj esperantistoj en aliaj ŝtatoj (aŭ landoj) volus presi sian propran version, bonvolu mesaĝi nin.
SBS ĉe Esperanto-Domo
La 6-an de junio 2018 ĵurnalisto (Amelia Dunn) kaj filmisto de la aŭstralia radi- kaj televid-kanalo SBS pasigis unu horon kaj duonon en Esperanto-Domo, intervjuante plurajn esperantistojn. La rezulto (ĝis nun) estas radiprogrameto/podkasto: Universal but obscure language making a comeback with internet.
Esperanto diskonigita en Maitland
Sabaton la 10an de Februaro 2018, pluaj esperantistoj (kvar vestitaj en specialaj verdaj t-ĉemizoj) iris al la multkultura festivalo “Maitland Riverlights” por diskonigi Esperanton. Eckard Roehrich eksponis lignajn vorterblokojn, kiujn li faris por instrui pri la lingvo. La teamo ankaŭ instruis multajn homojn ĉe la “Lingva Sidĉambro” (Language Lounge). Kiam ni proponis propagandaĵojn, iuj diris, “Mi estas bona”. Certe! Tamen mi pensas, ke ili estus pli bonaj se ili akceptus la libretojn. 🙂 Iuj infanoj petis multajn libretojn – tre formale. Laste, post sunsubiro, lumetoj sendiĝis laŭ la rivero. Bela vido, kvankam ne tre serioza. – Andrew Spannenberg
Senpaga Lingvo-Festivalo
30-a de novembro 2017 Lingva Festivalo-Asocio gastigos senpagan lingvo-festivalon sabate, la 3-a de decembro 2016, ĉe Erina Fair. La celo de tiu lingvo-festivalo estas antaŭenigi komprenon pri lingva diverseco, per disponado de “provaĵoj” de pluraj lingvoj kaj kulturoj en amuza etoso. Ĉefa ero estos fascina prezento de aŭstralia lingvisto, D-ro Gregory Cooper. Dum la fruaj 1980-aj jaroj Dr-o Cooper vojaĝis al fora nordokcidenta Pakistano por studi tiam neskribitan lingvon. Nur per interagado rekte kun la denaskaj parolantoj, li povis lerni la lingvon (la kalaŝamondra), krei sistemon de skribo por ĝi kaj instrui ĝin al la kalaŝaj homoj, kiuj nun registras […]