Uncategorized - Esperanto House

April 11, 2019April 11, 2019

Eunice Graham 6 dec. 1918 – 9 apr. 2019

Eunice Graham

Tre malĝoje ni anoncas, ke nia kara amikino Eunice Graham forpasis la 9-an de aprilo, 2019.

Eunice lernis Esperanton ĉe Manlia Esperanto-Klubo dum la sesdekaj jaroj kaj subtenis tiun klubon, la Sidnejan Esperanto-Societo (nun la Esperanto-Federacion de NSK) kaj la Esperanto-movadon, dum la cetero de sia vivo. Ŝi ankaŭ ĉeestis multajn Universalajn Kongresojn.

Esperantistoj, kiuj konis Eunice estas invitataj al la funebra ceremonio, kiu okazos ĉe Northern Suburbs Memorial Gardens and Crematorium (South Chapel), 199 Delhi Road, North Ryde, lundon, la 15-an de aprilo, je la 10-a atm.

April 1, 2019

Forpaso de Margaret Chaldecott

Tre malfeliĉe ni anoncas, ke nia kara amikino Margaret Chaldecott forpasis la 25-an de marto, 2019.

Margaret estis dum longa tempo membro de la Sidneja Esperanto-Societo kaj, ekde 1964 ŝi estis diverstempe sekretario, prezidanto kaj kasisto de la Esperanto-Federacio de Nova Sud-Kimrio (kaj la redaktisto de nia novaĵletero “Telopeo”) kaj estrarano de la Aŭstralia Esperanto-Asocio. Ŝi estis delegito de UEA dum multaj jaroj.

Per dediĉitaj membroj kiel Margaret la movado travivis kaj prosperis dum multaj jaroj kaj pro tio ni multe dankas ŝin.

Esperantistoj, kiuj konis Margaret estas invitataj al la funebra ceremonio, kiu okazos ĉe Gregory & Carr, 850 Pacific Highway Gordon, la 4-an de aprilo, je la 11-a atm.

May 10, 2017June 8, 2017

Esperanto-Domo merkrede

Ĝisdatigita la 9-a de junio 2017

Esperanto-Domo kutime estas malferma ĉiun merkredon, 14:00 – 16:00. Por kontroli, ke ĝi estos malferma je specifa tago, bonvolu reviziti ĉi tiun paĝon.

Jen la detaloj por junio:
• 07-a de junio: malferma
• 14-a de junio: malferma
• 21-a de junio: malferma
• 28-a de junio: (decidota)

November 30, 2016May 10, 2017

Senpaga Lingvo-Festivalo en Erina (Centra Marbordo)

30-a de novembro 2017

Lingva Festivalo-Asocio gastigos senpagan lingvo-festivalon sabate, la 3-a de decembro 2016, ĉe Erina Fair.

greg-cooper La celo de tiu lingvo-festivalo estas antaŭenigi komprenon pri lingva diverseco, per disponado de “provaĵoj” de pluraj lingvoj kaj kulturoj en amuza etoso.

Ĉefa ero estos fascina prezento de aŭstralia lingvisto, D-ro Gregory Cooper. Dum la fruaj 1980-aj jaroj Dr-o Cooper vojaĝis al fora nordokcidenta Pakistano por studi tiam neskribitan lingvon. Nur per interagado rekte kun la denaskaj parolantoj, li povis lerni la lingvon (la kalaŝamondra), krei sistemon de skribo por ĝi kaj instrui ĝin al la kalaŝaj homoj, kiuj nun registras kaj eldonas siajn proprajn rakontojn kaj kantojn.

Ankaŭ prezentota estos Esperanto, la plej sukcesa internacia lingvo. Krom ĝia rolo en neŭtrala kaj egaleca komunikado, Esperanto ankaŭ povas esti utila kiel “desalta lingvo”: Ĉar ĝiaj simplaj reguloj havas preskaŭ neniujn esceptojn kaj ĉar ĝia gramatika strukturo estas ĉiam klara, komenciĝi per Esperanto povas doni al oni la konfidon kaj solidan bazon, kiuj estas tiom gravaj en lingvolernado.

Kelkaj aliaj lingvoj prezentotaj dum la festivalo inkluzivas: la korea, japana, persa, germana, franca, nederlanda, litova kaj hindia.

La festivalo okazos ĉe Erina Centre, Erina Fair, de tagmezo ĝis 5.30 ptm.

Por pli da informo, vizitu languagefestival.org/cc (en la angla).

Bildo: Dr Gregory Cooper, lingvisto